КУЙААРТАН КУТУЛЛАР ДЬҮРҮСКЭН

Тапталаана «Уран тыл оһуора» литературнай түмсүү чи- лиэнэ. Бу сыллар тухары үлэ бөҕөтүн тэрийдибит, элбэх улууска сырыттыбыт, кинигэ бөҕө бэчээттэтэн таһаардыбыт. Ойон тахсар сырдык күннээх орто дойдуга киһи ырыа ыллаан санаатын көнньүөрдэр, ырыа ылланнаҕына ис сүрэхтэн тахсар айар кут абылаҥа бар дьоҥҥо дьолу бэлэхтиир. Любовь Федотовна бэйэтэ ыллыыр, түмсүү тэрээһиннэри- гэр куруутун кыттар, айар үлэ үөһүгэр сылдьар, саҥаттан саҥа хоһооннор, ырыалар кини сытыы бөрүөтүн анныттан тахса ту- раллар. Хоһооннорун арыйан көрдөххө, хайдахтаах судургу эрээ- ри кэрэ санаалар, тыллар баалларый... «Куйаартан кутуллар дьүрүскэн» диэн саҥа ырыанньык таһаарара кэрэхсибиллээх. Оҕолорго анаан эмиэ суруйар, бэрт сэргэх кинигэлэрдээх уонна хоһоон хомуурунньуктардаах. Тапталаана, өссө да хомоҕой хоһоонноруҥ сурулла, ылбаҕай ырыаларыҥ ыллана турдуннар.