Описание
Оҕо сылдьан саастаах дьон кэпсээннэрин истэн, өйдөөн хаалбытын кэпсиир Маалыкайтан төрүттээх Соччо Кутукаай
кэпсээннэриттэн биирэ Мэгэдьэккэ аттар сүүрүлэрэ. Уйбаача сүүрүк Гражданскай сэрии кэнниттэн, Ньурба улууһугар, Мэгэдьэк
нэһилиэгэр Семенов Иван (Уйбаача) диэн оҕонньорго, сүүрүк- сэлиик уонна күүлэйдьит аттар үөскүүллэринэн сураҕырара.
Уйбаачаҕа «Уйбаача сүүрүк»-диэн ааспыт үйэ 30 сылларыгар, саха атыгар, дьиҥнээх «Дьөһөгөй оҕото» дэтэн, үөһээттэн биирдэ
эбит түһэн төрүүр сылгы үөскүү сылдьыбыттаах.
«Уйбаача сүүрүк» кэрэ өҥнөөх, сэргэхтик көрбүт-истибит, унуоҕунан улахан, үрдүк, көрүҥэ модьу-таҕа, киэҥ агдалаах,
төрүөҕүттэн уу дьоруо саха сылгыта эбит. Сыарҕаҕа да, ыҥыырыгар да бэрккэ сиэлэр, остуоруйа
сылгытын курдук хаамыыннан хаһан да сылдьыбат, сэлииннэн, бөтөрөҥүнэн эрэ бара сатаан, көлөтүгэр-ыҥыырыгар кырдьаҕас,
оҕо дьон кыайан олорботторо үһү. 1925-1932 сыллар эргин бэйэтин чугастааҕы улуустарыгар сүүрүк-көлүүр аттардааҕынан биллибит
Бордоҥ-Мэгэдьэк нэһилиэк сүүрүк аттарыгар тэҥнээҕэ суох буолан бүтүн улуус үрдүнэн сураҕырар. Бүтэй Бүлүү улуустара, Бүлүү, Хочо,
Сунтаар ааттаахтара үчүгэй сылгы үөскүүр сиригэр, улуу сылгы үөскээбитин истэн-сураҕыран сэрэйэллэр. Чахчы даҕаны «Уйбаача
сүүрүк», Мэгэдьэк-Бордоҥ диэкиттэн Кыргыылаах кэнниттэн…
