Описание
Бу кинигэҕэ кинигэ автора украинаҕа баран көрсүтэлээбит буойуннарын кэпсээннэрэ, Эдьиий Арчыына
Запорожиеҕа саха итэҕэлинэн хайдах үлэлии сылдьара суруллан киирдилэр.
Кинигэ илин сирэйигэр Андросов Николай Николаевич-Кытай.
ШТУРМОВИКТАР УОННА САХА ИТЭ5ЭЛЭ
150,00 ₽
Элбэх саллаат хонон турар киэҥ землянкатыгар сүүрбэччэ саха
уола инники кирбиигэ киирээри бэлэмнэнэн таҥастарын-саптарын
хомуна сылдьаллар. Сорох дьон балартан мобилизацияҕа түбэ-
һэннэр сэриилэспиттэрэ хайыы-үйэ үһүс сыла. Сорох араас зо-
наттан буруйдарын боруостуу баҕа өттүлэринэн кэлбиттэрэ эмиэ
ырааппыт. Онон кинилэр үйэлэрин тухары сэриигэ сылдьар, сэ-
рииттэн атын олох баарын умнубут курдук да буолан эрэр буо-
луохтарын сөп.
Барахсаттарга көҥүл, эйэлээх, киһилии олох түүллэригэр эрэ
киирэн тахсар буолбута ырааттаҕа.
Бу буойуттар олорор дьиэлэрэ. Казарма диэххэ сөбө дуу, блин-
даж дэнэрэ дуу. Утуйарга, сынньанан сытарга иккилии этээстээх
мас нааралар тураллар. Сылаас, элбэх киһи олорор сирэ диэтэххэ
барыта бэрээдэк уонна ыраас. Ордук хоһу туох да суох. Киирээти
кытары хаҥас кыра гаас плита турар. Уолаттар онно чэй, кофе
оҥостон иһэллэр эбит.
