Описание
СВО-ҕа баран инники кирбиигэ сылдьар Валерий Николаевич Попов СВО Запорожие
хайысхатыгар бара турар балаһыанньаны сэһэргиириттэн “Саллаат аҕата” сэһэн сурулла сылдьар.
Сыллар-хонуктар ааһыахтара, эйэлээх, үтүө олохтор эргиллиэхтэрэ, ол кэмҥэ: -“Дойдубутугар
ыарахан түгэн баар буола сылдьыбытын, сахаттан элбэх эр дьон дойду көмүскэлигэр турбутун ” – бу кылгас
сэһэннээх кинигэбит санатыа.
Бу кэпсээҥҥэ “Дойдум көмүскэлигэр” диэн сэриигэ барбыт кыра уолун Албаны кытары бииргэ сылдьаары бэйэтин көҥүл
санаатынан военкомакка “Доброволеһынан” суруттаран украинаҕа барбыт табаарыһым Валерий Попову кэпсииринэн сурулла сылдьар
сэһэни дьон иннигэр сэгэтэн көрөөрү гынабын. Сааһыран эрэр саха дьонуттан, – Эдэрдэр оннуларыгар олоруоҕу олорбут дьон биһиги
барарбыт ордук – диэн санааттан баран сэриилэһэ сылдьааччылар да бааллар, – Уолаттарбытын кытары бииргэ сылдьыахпыт-диэн
санааттан барааччылар эмиэ бааллар. Бу соторутааҕыта уола СВО-ҕа барбытын батыһан биир дойдулааҕым Олег Степанов
эмиэ баран эрэр диэн кэпсээн баара. Үс, Сунтаар алта уон саастаах дьоно блиндаж иһигэр, – Улууспут баһылыга ас-үөл аҕалбытын
көрсөн ылан кэллибит- диэн махтана, онтуларын быыһыгар, – Артиллерийа ытыалааһыныгар түбэһэн ыт буола сыстыбыт –
диэн күө-дьаа буолан, күлэ-үөрэ аһыы олороллоро батсаапка тахсыбыта. Валерий Попов оннук дьонтон биирдэрэ буолар. Мин
көрүүбэр – Оҕолорбут оннугар бэйэбит эбэтэр уолаттарбытынаан бииргэ – диэн сэриигэ күргүөмнээн барар саастаах дьон хайа да
атын омукка суох.
